Belgjika ka identifikuar katër raste të variantit të ri të coronavirusit i cili u zbulua në Mbretërinë e Bashkuar, thanë zyrtarët shëndetësorë për AFP.
Sipas The Guardian, përcjell Telegrafi, të katër rastet u zbuluan në fillim të muajit në rajonet veriore flamande, që kufizohen me Holandën, bazuar në deklaratën e zëdhënësit të ministrisë së shëndetësisë në Belgjikë, Jan Eyckmans.
Varianti i ri që u identifikua për herë të parë në Mbretërinë e Bashkuar, raportohet të jetë 70 për qind më i transmetueshëm, mirëpo jo edhe më i rrezikshëm.
Lidhur me këtë rast, shumë vende të botës kanë vendosur që t’i ndalojnë udhëtimet nga MB-ja.
Organizata Botërore e Shëndetësisë paralajmëroi kundër alarmit të madh për variantin shumë infektiv, duke thënë se kjo ishte një pjesë normale e evolucionit të një pandemie.
“Ne duhet të gjejmë një ekuilibër. Është shumë e rëndësishme të kesh transparencë, është shumë e rëndësishme t’i thuash publikut ashtu siç është, por është gjithashtu e rëndësishme të pranosh që kjo është një pjesë normale e evolucionit të virusit”, ka thënë shefi i urgjencave të OBSH-së, Mike Ryan në një konferencë online.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite